Koyrdi útav og endaði á takinum

Beint áðrenn klokkan 22 í gjárkvøldið fekk løgreglan fráboðan um, at eitt ferðsluóhapp hevði verið við Landssjúkrahúsið.

Talan var um ein bil, sum koyrdi á vegnum oman í Sandagerð. Bilurin endaði við at fara útav, og lendi hann á takinum.

Vaktleiðarin á politistøðin upplýsir, at ein persónur var í bilinum, og sum skilst fekk førarin ongan skaða. Tó varð hann koyrdur á Landssjúkrahúsið til kanningar, sum vanligt er í slíkum støðum.