Landið byggir ikki bústaðir í løtuni

Landið fer ikki at byggja fleiri bústaðir í løtuni. Orsøkin er at nógv ferð er á byggivinnuni, og neyðugt er, at privatir aktørar traðka til.

Kristina Háfoss, landsstýriskvinna í fíggjarmálum, sigur við Kringvaprið, at hóast stóra bústaðartrotið í Føroyum, fer landið ikki at byggja fleiri bústaðir í løtuni.

Samgongan arbeiðir í løtuni við fíggjarlógini fyri 2019, og har verður ikki pláss fyri nýggjum byggiverkætlanum, nú nógv ferð er á byggivinnuni.

Landsstýriskvinnan sigur somuleiðis, at landið megnar ikki einsamalt at nøkta stóra bústaðartørvin, og tí er neyðugt, at privatir aktørar traðka til.