Landsstýrið fer til Viðareiðis næstu dagarnar

Løgmaður og landsstýrisfólkini fara at hava arbeiðsdagar á Hotel Norð í dag, í morgin og fyrrapartin leygardagin, nú fíggjarlógararbeiðið er byrjað. Tað veit Kringvarpið.

Uppskotið um fíggjarlóg fyri næsta ár skal leggjast fyri tingið í seinasta lagi um ein mánað.

Ætlanin var at hava tingfund í dag, men hann er útsettur til mánadagin 10. september, tí landsstýrið hevur fund á Viðareiði.