Løgreglan kannar herverk í Gøtu

Umfatandi herverk er framt í felagshúsinum hjá Víkingi í Gøtu.

Talan er um onkran, sum hevur brotið yvir 20 rútar og tømt tveir pulvursløkkjarar.

Vaktleiðarin á politistøðini sigur, at málið varð meldað í gjár klokkan 18.30, og Eysturkommuna sigur, sambært Kringvarpinum, at hetta er helst hent einaferð í gjár ella fyrradagin.

Løgreglan hevur fólk á staðnum nú, sum eru í ferð við at kanna málið.

Um tey hava nakra ábending um, hvør stendur aftanfyri veit vaktleiðarin ikki at siga, men enn er eingin tikin í málinum.