Maður frá sær sjálvum í fyllskapi

Beint fyri midnátt í gjárkvøldið ringdi ein skipari umborð á einum fiskiskipi, sum lá í Klaksvík, eftir løgregluni um hjálp.

Ein av manningini varð í fyllskapi vorðin heilt óstýriligur.

Maðurin varð fluttur til Havnar og hevur sovið rúsin av sær í klivanum í nátt. Av tí at maðurin ikki gjørdi seg beinleiðis inn á nakran, verður ikki meira gjørt við hetta málið, upplýsir vaktleiðarin á løgreglustøðini.