Merkel er ósamd: 1,5% er nokk

Til morgunmatin í Brússel í gjár, har øll NATO-londini eru samlaði, legði Donald Trump, forseti í USA, eftir hinum NATO-londunum og serliga Týsklandi, fyri ikki at brúka nokk av bruttotjóðarúrtøkuni uppá verju.

Men týski kanslarin, Angela Merkel, hevur fyribils ongar ætlanir um at lurta eftir ynskinum hjá amerikanska forsetanum. Tað hevur hon fyrr sagt við týska tjóðartingið, skrivar Danmarks Radio.

Donald Trump ynskir at øll limalondini skulu brúka minst 2% av bruttutjóðarúrtøkuna uppá verju. Týskland brúkar í løtuni 1,24% uppá verju, men hevur sett sær fyri at økja talið til 1,5% innan 2025.