Merktu grindirnar støðufastar

Enn riggar ein sendari á hvørjum av grindunum, sum vórðu merktar á Fuglafirði 3. september og á Klaksvík 16. september, og hvørgin av merktu grindunum hevur seinastu vikurnar ferðast serliga víða, skrivar Havstovan.

Fuglafjarðagrindin hevur hildið seg norðarlaga í Hatton-Rockall lægdini, millum Georg Bligh og Hatton bankarnar, á 59 breiddarstigum.

Klaksvíksgrindin er í løtuni 550 fjórðingar longur suðuri, sunnan fyri eystur-Thulean brattan, ið er á umleið 50 breiddarstigum.

Sendarin á hvalinum úr Fuglafirði mátar dýpi. Hesin hvalurin kavar regluliga niður á 500-800 metrar, og málda kavtíðin er javnan millum 10 og 15 minuttir. Ferðin, hvalurin kavar við, er sostatt um 2 m/s.