Moskva: Fáa frí frá arbeiði fyri at minka um smittuspjaðing

Í eini roynd at steðga smittuspjaðingina í russiska høvuðsstaðnum Moskva, hevur borgarstjórin, Sergei Sobyanin boðað frá, at borgarar kunnu halda frí frá arbeiði í døgunum 15. til 19. juni – við løn.

Í sama tíðarskeiði verður heitt á skeinkistøð, matstovur og onnur samkomuhøli í býnum um at lata aftur í seinasta lagi klokkan 23.

Hetta fer ikki at fáa ávirkan á herin og viðlíkahald av infrakervinum í býnum, sigur hann sambært tíðindastovuni Reuters.