Uttanlands

Mótmæli í Fraklandi: Fleiri enn 400 særd

Uml. 288.000 fólk mótmældu í gjár eina hækking av prísinum á brennievni

Mynd: DR

Mynd: DR

2018-11-18 11:42 Author image
Alda Nielsdóttir
placeholder

Fleiri enn 400 fólk vórðu særd í Fraklandi undir mótmælistiltøkunum móti høga prísinum á brennievni í gjár. Tað skrivar DR.

Uml. 288.000 fólk mótmældu ígjár, og 14 teirra fingu sera álvarsligan skaða umframt at ein kvinna lat lív. Mótmælt var á 2034 støðum kring landið.

Av teimum 409, ið vórðu særd eru 28 løgreglufólk og sløkkiliðsfólk.

Í nátt hildu uml. 3500 fólk fram við at mótmæla. Fleiri harðskapsmál og bardagar hava eisini verið, m.a. eru fleiri stungin við knívi, og í hesum sambandi eru 157 fólk handtikin.

Orsøkin til mótmælistiltøkini er, at franski forsetin Emmanuel Macron fer at hækka prísin á brennievni næsta ár. Tað er serliga í teimum smærri býunum, at fólk eru ónøgd, har buss- og toksambandið ikki er nóg gott.

Les eisini: Franski forsetin hækkar prísin á brennievni: 120.000 fólk mótmæla

placeholder
placeholder