Myndir: Fullsett Ólavskirkja til Bach

Í aldargomlu Ólavskirkjuni í Kirkjubø, var aftur í ár konsert við tónleiki eftir Johann Sebastian Bach.

Tónleikurin verður framførdur í myrkri. Tónleikararnir spæla undir glæmuni frá kertuljósum, meðan kirkjan og søguliga umhvørvið, er prýtt við ljósmyndum av meistaranum sjálvum og eyðkendu nótaskrift hansara.

Tey, sum framførdu vóru Birita Poulsen, sangur - Ólavur Jakobsen, gittar/frásøgufólk - Jón Festirstein og Monika Stauss, violin - Jona Jacobsen, viola - Jens Chr. Guttesen, sello.