Myndir: Stúgvandi fult til “Hjálp, eg skal uttanlands at lesa” í Havn

Ó skipaði saman við BankNordik fyri lestrartiltakinum “Hjálp, eg skal uttanlands at lesa”, sum var í BankNordik høvuðssætinum í gjárkvøldið.

- Vit eru ómetaliga takksom fyri fantastisku undirtøkuna. Tað komu nógv meiri enn væntað. Vit hava ikki eitt ítøkiligt tal, men ein konservativ meting er 175. Helst fleiri, tí 240 djúsar og tvíflísar fóru um djúsbarrina, sigur Hanus Samró, ið eigur og rekur Ó.

- Tey ungu hugnaðu sær óført, framløgurnar vóru góðar og gevandi, og tá alt kemur til alt, so er kunningin tað viktigasta við tiltakinum. So vit kunnu ikki vera annað enn vælnøgd. Hanus Samró sigur víðari, at um tað ikki eydnaðist at skriva upplýsingarnar niður, ella um tað ikki lá fyri at koma, er tað møguligt at taka allar framløgurnar niður. Les meira her.