Netflix drepur Kevin Spacey í hitt-sendirøð

Nýggjur "teasari" frá 6. og síðsta sesong av sendirøðini House of Cards á Netflix avdúkar nú, at Kevin Spacey-karakterurin Frank Underwood verður dripin. 

Stroymingtænastan Netflix valdi at fýra Oscar-vinnandi sjónleikaran Kevin Spacey í november í fjør, eftir at ákærur um kynslig brotsverk, framdar av sjónleikaranum, komu fram. 

Í 25 sekund-langa teasaranum sær mann konu Frank Underwood, Claire Underwood (Robin Wright), standa við grøv hansara og siga:

- Eitt skalt tú vita, Francis. Tá tey jarða meg, verður tað ikki í mínum egna hava. Og tá tey koma at vísa samkenslu, fara tey at standa í kø.