Uttanlands

Netflix undir hørðum kritikki

Stroymingartænastan fær av at vita fyri at hava bukkað undir trýsti frá Saudiarabia

2019-01-03 11:57 Author image
Ari av Rana
placeholder

Herfyri valdi stroymingartænastan Netflix at taka ein part av sendirøðini “The Patriot Act” av síni tænastu í Saudiarabia, tí at stýrið í landinum bað um hetta. Saudiarabia segði, at parturin var brot á lógina um lógarbrot á netinum.

Í hesum ávísa partinum tosar verturin, Hasan Minhaj, sera atfinningarsamt móti stýrinum í Saudiarabia og krúnprinsinum Mohammed Bin Salman.

Fleiri mannarættindafelagsskapir harta nú Netflix. Eitt nú hartar Amnesty International Netflix fyri at fremja um null-toleransuna hjá landinum móti framsøgufrælsi og fyri at hjálpa myndugleikunum at nokta fólki frítt at fáa fatur á upplýsing, sigur tiltaksleiðarin hjá Amnesty International í Miðeystri, Samah Hadid.

Í umtalaða partinum er 33 ára gamli Hasan Minhaj, sum er føddur og uppvaksin í USA og hevur indisk foreldur, millum annað sera atfinningarsamur um tær skiftandi forkláringarnar hjá Saudiarabia um hvussu journalisturin Jamal Khashoggi lat lív, tá hesin vitja á saudiarabiska konsulátinum í Istanbul í oktober.

placeholder
placeholder