Norðlýsið: Jóhan Christiansen nýtt landsstýrisfólk

Seinastu dagarnar hevur nógv verið gitt um, hvønn Tjóðveldi fer at seta í landsstýrissessin í fiskivinnu- og samferðslumálum, sum Dennis Holm hevur røkt.

Í morgun skrivar Norðlýsið, at leirvíkingurin og fyrrverandi borgarstjórin í Eysturkommunu, Jóhan Christiansen, verður nýggjur landsstýrismaður í fiskivinnu- og samferðslumálum.

Jóhan Christiansen fekk 125 atkvøður á løgtingsvalinum í 2022.

Miðilin skilir eisini, at Sirið Stenberg, forkvinna í Tjóðveldi, verður landsstýriskvinna í uttanríkismálum.

Hon er frammamundan landsstýriskvinna og í almanna- og mentamálum.

Sirið Stenberg hevur sagt við útvarpið, at málið um nýtt landsstýrisfólk skal avgreiðast hesa vikuna.