Ingi Samuelsen
Eftir at hava ligið á øðrum plássi í níggju vikur, kom lagið ’Bad Guy’ hjá 17 ára gomlu Billie Eilish nú upp á fyrsta plássið á Hot 100-hittlistanum hjá amerikanska tónleikatíðarritinum.
Harvið gjørdist hon eisini tað fyrsta listafólkið, borið í heim í hesi øldini, sum nær fyrstaplássinum á hesum lista.
Sangur hennara ’Bad Guy’ hevur verið nógv frammi síðan tíðliga í ár, men ikki fyrr enn nú røkk hon ovasta plássið í heimlandi hennara, USA.
Lagið, sum mátti lúta av fyrsta plássi, fyribils í hvussu so er, er ’Old Town Road’ hjá Lil Nas X og Billy Ray Cyrus, sum hevur ligið ovast í ikki rætti enn 19 vikur, sum er nýtt met.
”Til lukku Billie Eilish! Tú hevur tað uppiborið!” skrivar Lil Nas X á Twitter, sum ikki tykist harmur um at hava mist fyrsta plássi.
Billie Eilish verður 18 ár í desember, og hennara melankolsku poppsangir hava gingið sína sigursgongd síðan fyrsta fløga hennara, ’When We All Fall Asleep, Where Do We Go?” kom út í mars mánaði.
Nýggja lagið á fyrstaplássinum:
Vinarliga broyt tínar kennifíla - og privatlívsstillingar fyri at síggja hetta innihald