Uttanlands

Ógvusligt eldgos í Indonesia

Soputan-gosfjallið hevur slongt øsku 7.500 metrar upp í luftina, og íbúgvar hava fingið boð um at nýta andlitsmaskur.

Soputan-gosfjallið (Mynd: EPA)

Soputan-gosfjallið (Mynd: EPA)

2018-12-16 12:40 Author image
Alda Nielsdóttir
placeholder

Eitt ógvusligt eldgos í Indonesia hevur slongt øsku 7.500 metrar upp í luftina.

Tað skrivar DR.

Tað er 1800 metrar høga Soputan-gosfjallið á norðara partinum av indonesisku oynni Sulawesi, sum goysir.

Hetta hendi tvær ferðir í dag, og íbúgvar á oynni hava fingið boð um at halda seg burtur frá gosfjallinum.

Sulawesi er 3. størsta oyggin í Indonesia.

Myndugleikar óttast fyri, at glóðheitt lava fer at renna niður í áir og vøtn. Ein partur av íbúgvunum á oynni hava eisini fingið boð um at nýta andlitsmaskur sum verju móti øskuni.

placeholder
placeholder