Ókeypis íbúð í 8 mánaðir fyri at lesa bókmentir og mál í Íslandi

- Íslendska Mentamálaráðið bjóðar føroyingum at søkja stuðul í samanlagt 8 mánaðir til lestur í íslendskum máli og bókmentum á Háskóla Íslands lestrarárið 2019/2020. 

Tað skrivar Fróskaparsetur Føroya á heimasíðu síni. 

Skipanin er gomul og nakrir føroyingar hava fingið stuðulin áður, men tað munnu samanlagt vera fáir føroyingar, sum hava lisið íslenskt mál og bókmentir í Íslandi. 

Stuðulin er skipaður soleiðis, at mentamálaráðið útvegar bústað í studentagarðinum, og so verður leigan goldin í 8 mánaðir. 

Umsóknarbløð kunnu fáast á seturskrivstovuni ella á heimasíðuni  www.arnastofnun.is. 

Umsóknarfreistin er 1. desember 2018.