Uttanlands

Omanlop kravt 22 mannalív í Filipsoyggjunum

Enn royna fólk í Filipsoyggjunum at koma fyri seg, eftir at oyggjarnar vórðu raktar av melduródnini Manghkut

Mynd: EPA

Mynd: EPA

2018-09-21 10:54 Author image
Alda Nielsdóttir
placeholder

Í Filipsoyggjunum hevur eitt omanlop nærindis býnum Naga á oynni Cebu kravt í minsta lagið 22 mannalív. Tað skrivar DR.

Sambært lokalu myndugleikunum eru uml. 50 fólk horvin, og uml. 300 løgreglufólk, sløkkiliðsfólk og onnur bjargingarfólk hava leitað í grótinum eftir fólki í alla nátt.

Enn royna fólk í Filipsoyggjunum at koma fyri seg, eftir at oyggjarnar vórðu raktar av melduródnini Manghkut, sum í síðstu viku kravdi í minst alagið 88 mannalív í norðara partinum av landinum.

Oyggin Cebu varð ikki beinleiðis rakt av ódnini, men oyggin hevur í fleiri dagar verið plágað av ógvusligum monsunregni.

Cebu er væl umtókt hjá ferðafólkum, og í Naga búgva fleiri enn 100.000 fólk.

Les eisini: Melduródnin elvdi til jarðskjálvtar

 

placeholder
placeholder