Sáttmálin hjá ljósmøðrunum fór úr gildi 1. oktober 2020 - tað vil siga fyri beint undir 16 mánaðum síðani.
Nú verður arbeitt við at fáa ein nýggjan sáttmála, men tað gongur heldur striltið.
Semingsstovnurin varð boðsendur í síðstu viku, og fyri júst einari viku síðani hevði hann fyri fyrstu ferð samband við partarnar.
Eitt semingsuppskot varð lagt fram fyri Ljósmøðrafelagnum og Lønardeildini hjá Fíggjarmálaráðnum í gjár, men tað var vrakað.
Ósemjan snýr seg fyrst og fremst um pening, og nú arbeiða partarnir hvør í sínum lagi við at finna møguliga loysnir, áðrenn øll hittast aftur í annaðkvøld.
Hetta upplýsir Terji Sigurðsson, semingsmaður, fyri Kringvarpinum.
Seinast samráðingar vóru millum Ljósmøðrafelagið og Lønardeildina hjá Fíggjarmálaráðnum varð talan um verkfall í eina tíð, áðrenn komið varð ásamt um semju.
Vinarliga broyt tínar kennifíla - og privatlívsstillingar fyri at síggja hetta innihald