Partur av Berlin múrinum funnin

“Mr. Gorbachev. Tear down this wall”.

Orðini hjá amerikanska forsetanum Ronald Reagen við Berlin múrin tann 12. Juni 1987 eru nøkur av teimum kendastu í søguni. Tvey ár seinni, tann 9. November 1989, gav Eysturtýskland boð um, at allir borgarar í Týsku Demokratisku Republikkini fingu loyvi at vitja í Vesturtýsklandi og Vesturberlin.

Farið var at bróta múrin niður beinanveg, men nú næstan 29 ár seinni vísir tað seg, at ein partur av múrinum enn stendur. Lokal fólk funnu í summar ein 20 metrar langan múr, sum var fjaldur av runnum, skrivar CNN.

The Berlin Wall Foundation hava nú avdúkað, at talan er um ein part av Berlin múrinum.