2018-12-12 07:35
Ari av Rana
Ari av Rana
Ein dómari í Kalifornia hevur avgjørt, at pornostjørnan Stormy Daniels skal rinda góðar tvær milliónir krónur til Donald Trump. Upphæddin er fyri sakarmálskostnað í sakini, har hon stevndi forsetan fyri ærumeiðing. Sakarmálið varð avvíst.
Donald Trump hevur kravt 5,2 mió. kr. í gjaldi frá Stormy Daniels fyri at dekka sakarmálskostnaðin.
Stormy Daniels stevndi forsetan eftir at hann noktaði fyri at hava havt kynsligt samband við pornostjørnuna í 2006, og fyri at hava rinda henni meiri enn 850.000 kr. fyri ikki at fortelja nøkrum um kynsliga sambandið.
Vinarliga broyt tínar kennifíla - og privatlívsstillingar fyri at síggja hetta innihald