Uttanlands

Queen sigraði á Golden Globes

Bohemian Rhapsody vann tvær tær størstu virðislønirnar

Brian May (t.v.), Rami Malek, sum spælir Freddie Mercury í Bohemian Rhapsody, og Roger Taylor (t.h.) (Mynd: EPA)

Brian May (t.v.), Rami Malek, sum spælir Freddie Mercury í Bohemian Rhapsody, og Roger Taylor (t.h.) (Mynd: EPA)

2019-01-07 09:57 Author image
Ari av Rana

Golden Globes varð í nátt hildið í Beverly Hills, Carlifornia í USA.

Stóri vinnarin gjørdist filmurin Bohemian Rhapsody um bretska rokkbólkin Queen og tað ørkymlandi samanspælið millum sangaran Freddie Mercury og hinar limirnar í bólkinum.

Bohemian Rhapsody vann virðislønina “Besti Filmur”, umframt at Rami Malek vann virðislønina sum besti mannligi høvuðsleikari í dramafilmi, fyri sín portrett av Freddie Mercury.

Besti kvinnuligi høvuðsleikari í einum dramafilmi gjørdist Glenn Close fyri hennara leiklut sum Joan Castleman í filminum The Wife. Í filminum splir Glenn Close ein kvinna, sum setir spurnartekin við hennara val í lívinum, tá hon ferðast til Stokkhólm, har maður hennara fer at taka ímóti Nobel heiðurslønina fyri bókmentir.

Millum hinar virðislønirnar kunnu nevnast, at Christian Bale vann besta mannliga høvuðsleiklut í einum skemtifilmi fyri sín protrett av fyrrverandi amerikanska varaforsetanum Dick Cheney í filminum Vice, meðan Olivia Coleman vann besta kvinnuliga høvuðsleiklut fyri filmin The Favorite.

Besta dramasendirøð gjørdist The Americans, meðan besta sangleikur ella skemtirøð gjørdist The Kominsky Method.

placeholder
placeholder