Oda Strøm
Íslendski sjónleikarin and anti-happing aktivisturin, Stefán Karl Stefánsson doyði í gjár av briskertilskrabba, skriva fleiri útlendskir miðlar.
Stefán, sum hevur glett mong børn við sínum framførslum, fekk staðfest krabba fyri fyrstu ferð í 2016. Hann gjørdist kendur fyri sín leiklut sum skálkurin "Robbie Rotni" í barnasendirøðini "Letibygd", sum eisini er týdd til føroyskt og hevur verið nógv víst í Kringvarpinum.
Stefánsson tóktist at vera í betring, eftir at hann varð skurðviðgjørdur í 2017, men í mars 2018 boðaði sjónleikarin frá, at krabbin var afturkomin, og at einki kundi gerast.
Niðanfyri sæst ein partur av "Letibygd" við føroyskari talu.
Stefán Karl Stefánsson skrivaði soleiðis á Twitter um afturkomna krabban:
It’s not until they tell you you’re going to die soon that you realize how short life is. Time is the most valuable thing in life because it never comes back. And whether you spend it in the arms of a loved one or alone in a prison-cell, life is what you make of it. Dream big.
— Stefankarl (@stefanssonkarl) March 10, 2018
Unfortunately it's back and this time they can't operate on it. :-(
— Stefankarl (@stefanssonkarl) March 13, 2018
Vinarliga broyt tínar kennifíla - og privatlívsstillingar fyri at síggja hetta innihald