Rýmdi frá ferðsluóhappi

Um hálvgum tvey tíðina í nátt rýmdi ein bilførari frá einum ferðsluóhappi í Klaksvík, sigur vakthavandi á løgreglustøðini. 

Sum skilst hevði bilførarin rent í ein parkeraðan bil, og skaðin var ikki stórur. Trupulleikin var, at bilførarin rýmdi av staðnum, heldur enn at siga frá - sum mann hevur skyldu til, tá mann er við í einum ferðsluóhappi, sigur vakthavandi.

Løgreglan hevur tí leitað í nátt eftir bilføraranum og bilinum, ið rendi á.

- Vit funnu bilin, men ikki eigaran. 

Arbeitt verður víðari við málinum, sigur vakthavandi.