Samgongan klárar seg knapt nokk miðalvæl

Samgongan klárar seg ikki betri enn miðalvæl sambært veljarakanningini, sum Spyr.fo gjørdi fyri Blaðið Vikuskiftið týsdagin.

Veljararnir vórðu bidnir um at meta um avrikið. “Hvussu heldur tú samgongan sum heild hevur klárað seg síðani valið?”, ljóðaði spurningurin, og veljarin hevði so møguleika at geva karakterin 1 til 5.

Miðaltalið gjørdist 2,9 – altso beint undir miðal. Tað er sama miðaltal, sum samgongan fekk tá sami spurningurin varð settur fyri tveimum mánaðum síðani.

Øll tølini frá veljarakanningini síggjast ókeypis í Blaðnum Vikuskifti her