Sjálvmorðsálop í Kabul: Í minsta lagi 40 fólk deyð

Í minsta lagi 40 fólk lótu lív og 70 fólk vórðu særd í einum sjálvmorðsálopi í afghanska høvuðsstaðnum Kabul.

Sjálvmorðsbumban brast í einum sali á hotellinum Uranus Wedding Palace, har religiøsir islamiskir leiðarar vóru savnaðir til bøn í sambandi við føðingardegnum hjá Muhammed profeti.

Sambært DR hevur eingin enn tikið ábyrgdina fyri álopið.