Uttanlands

Sjey ára gomul flóttagenta deyð við markið millum USA og Meksiko

Gentan doyði 8 tímar eftir at pápi hennara og hon vórðu handtikin

Mynd: Scanpix

Mynd: Scanpix

2018-12-14 10:05 Author image
Ari av Rana
placeholder

Ein sjey ára gomul genta úr Guatemala doyði, átta tímar eftir at pápi hennara og hon vórðu handtikin við markið millum USA og Meksiko.

Tey bæði vórðu afturhildin av flóttafólkamyndugleikunum í Ný Meksiko tann 6. desember, saman við 163 øðrum flóttafólkum.

Gentan doyði, sambært The Washington Post, av uppturking og skelki meiri enn átta tímar eftir at hon var komin í varðhald hjá myndugleikunum.

Gentan hevði einki fingið at eta í fleiri tímar, og fyrr um dagin var hennara kropshiti máldur at verða 40,9 hitastig.

placeholder
placeholder