Ari av Rana
Almenna vitjanin hjá krúnprinshúskinum byrjar hósdagin tann 23. august í Havn.
Hansara kongliga tign Fríðrikur krúnprinsur og hennara kongliga tign Mary krúnprinsessa og krúnprinsbørnini vitja fríggjadagin 24. august Klaksvík, Kirkju, Hattarvík og Mikladal.
Leygardagin tann 25. august gongur leiðin til Runavíkar, Hvalvíkar, Haldórsvíkar og Tjørnuvíkar.
Sunnudagin 26. august er gudstænasta í Sandavágs kirkju og miðmáli í Bø á skránni.
Krúnprinshúskið fer av landinum aftur sunnudagin, skrivar Løgmansskrivstovan.
Øll skráin fyri vitjanina hjá krúnprinshúskinum er henda:
Hósdag tann 23. august í Havn
Almenn móttøka í Havn
Klædnabúni: Føroysk klæði
Kl. 08.30 Danska vaktarskipið Hvidbjørnen og føroyska vaktarskipið Brimil verða fylgiskip undir leiðslu av skipsovastanum á kongsskipinum.
Hvidbjørnen letur skotkvøðu av við 21 skotum í Nólsoyarfirði.
Tá ið siglt verður inn á Havnina, fylgja føroysk træseglskip og róðrarbátar við Kongsskipinum Dannebrog. Havnar Hornorkestur spælir heiðursmarsj krúnprinsins, meðan skipið leggur at. Tá ið krúnprinshúskið fer í land, verður Kong Christian spældur.
Kl. 09.05 Kongsskipið Dannebrog leggur at á Bursatanga.
Kl. 09.20 Krúnprinshúskið fer í land.
Móttøka á bryggjuni:
Aksel V. Johannesen løgmaður og frú Katrin D. Apol Lene Moyell Johansen ríkisumboð og harra Stendor Johansen
Annika Olsen borgarstjóri og harra Jacob Horn Nielsen
H.K.T. krúnprinsessan fær handað blómutyssi.
Løgmaður heldur stutta vælkomurøðu og fagnar við 9-faldum hurrá fyri krúnprinshúskinum, og síðan spælir Havnar Hornorkestur tjóðsangin.
Til móttøkuna eru føroysk og donsk embætisfólk, sum løgmaður navnkennir í hesi røð:
Páll á Reynatúgvu tingformaður
Marjun Hanusardóttir løgmansstjóri
Johnhard Klettheyggj løgtingsstjóri
Jógvan Fríðriksson biskupur
John Kølbæk fúti
Henrik Møller sorinskrivari
Michael Hjorth kommandørkapteynur
Kl. 09.35 Spákað verður til stjórnarskrivstovurnar á Tinganesi.
Á veg út í Tinganes verður stutt steðgað á hjá róðarfelagnum Knørri. Formaðurin í felagnum Sámal Kristiansson tekur ímóti og navnkennir stýrið. Magnus Gaard, virkin limur í felagnum, sigur frá felagnum og føroyskari kapprógving. Eva Højgaard Lisberg gevur krúnprinshjúnunum eina lítla gávu.
Kl. 09.50 Spákað verður út í Tinganes.
Móttøka í Tinganesi
Kl. 09.55 Løgmaður er vertur fyri móttøku
Løgmaður navnkennir landsstýrið í hesari røð:
Høgni Hoydal landsstýrismaður í fiskivinnumálum
Kristina Háfoss landsstýriskvinna í fíggjarmálum
Poul Michelsen landsstýrismaður í uttanríkis- og vinnumálum
Henrik Old landsstýrismaður í samferðslumálum
Eyðgunn Samuelsen landsstýriskvinna í almannamálum
Sirið Stenberg landsstýriskvinna í heilsu- og innlendismálum
Rigmor Dam landsstýriskvinna í mentamálum
Kl. 10.25 Spákað verður til býartrappuna, fram gjøgnum Reyn og oman á Bryggjubakka.
Almenn móttøka hjá Tórshavnar kommunu
Kl. 10.35 Komið verður til trappuna.
Annika Olsen, borgarstjóri og harra Jacob Horn Nielsen taka ímóti.
Bjarni Horn Olsen handar H.K.T. krúnprinsessuni blómutyssi. Borgarstjórin navnkennir býráðið og heldur stutta vælkomurøðu. Á trappuni framføra Havnar hornorkestur, Dánjal á Neystabø og Búi Dam.
Kl. 10.55 Fráferð við bili til Skúlan á Argjahamri.
Kl. 11.05 Koma til skúlan.
Marjun Holm stjóri, Símun Abrahamsen varaskúlastjóri og Ann Hansen leiðari á frítíðarskúlanum taka ímóti. Skúlin og frítíðarskúlin verða vístir fram, á leiðini fara næmingar at sýna fram ymist sum føroyskan dans, fimleik og sang.
Kl. 11.50 Farið verður av skúlanum. Uttanfyri verður heilsað upp á børnini í barnagarðinum við skúlan.
Kl. 12.05 Fráferð við bili til studentabýlið Finsen.
Kl. 12.15 Koma til Finsen.
Bogi Jacobsen tekniskur leiðari í Bústøðum og Marjun W. Thomassen fíggjarleiðari taka ímóti. Greitt verður frá Bústøðum og Finsen, og ein av íbúðunum verður sýnd fram. Vitjanin endar í samkomuhøllini, har Annika Olsen borgarstjóri greiðir frá um listaverkini eftir Williami Heinesen, og Ólavur Jakobsen spælir eitt kingolag ”Vaagn op, og slaa paa dine strenge” á klassiskan gittara.
Kl. 12.55 Fráferð við bili til Hotel Hafnia.
Miðmáli
Kl. 13.00 Annika Olsen, borgarstjóri, er vertur fyri miðmála á Hotel Hafnia.
Borgarstjórin heldur stutta røðu og handar krúnprinshjúnunum gávu.
Samstundis skrá
H.K.T. krúnprinsurin
Kl. 14.15 Fráferð við bili av Hotel Hafnia til Glasir.
Kl. 14.30 Koma til Glasir.
Rigmor Dam landsstýriskvinna í mentamálum tekur ímóti. Saman við landsstýriskvinnuni stendur Bogi Bech Jensen rektari. Landsstýriskvinnan heldur eina stutta røðu, víst verður runt á skúlanum, náttúruvísindaligar royndir verða gjørdar, og greitt verður frá mongu útbúgvingum skúlans. Vitjanin endar við felagsmynd av H.K.T. Frederik krúnprinsi saman við næmingum skúlans.
Kl. 15.10 Fráferð við bili til Sjóvinnuhúsið.
Rigmor Dam landsstýriskvinna og Bogi Bech Jensen rektari siga H.K.T. krúnprinsinum farvæl.
Kl. 15.20 Koma til Sjóvinnuhúsið.
Ólavur Ellefsen stýrisformaðurin fyri Fróðskaparsetrið og fyrisitingarligur stjóri fyri Fonden for Entrepreneurskab Christian Vintergaard taka ímóti. Stutt kunning verður um húsið, meðan spákað verður til Hugskotið, sum er eind, ið hjálpir íverksetum og gevur teimum ráð. Sóley Heradóttir Hammer stjóri kunnar í stuttum um Hugskotið, og eftir tað leggja nýggir íverksetarar sínar verkætlanir fram.
Creative Business Cup heiðursgávuhandan í Kongshøll auditorium
Kl. 15.40 Koma til auditoriið, har handanin fer fram.
Kl. 15.50 H.K.T. krúnprinsurin handar ársins føroysku íverksetaheiðursgávu í Creative Business Cup.
Kl. 16.05 Fráferð við bili frá Sjóvinnuhúsinum til løgtingið.
H.K.T. krúnprinsessan
Kl. 14.15 Fráferð við bili frá Hotel Hafnia til Býlingshúsið undir Fjalli.
H.K.T. krúnprinsessan er í fylgi við Høgna Hoydal varaløgmanni, frú Hildur Hermansen, Anniku Olsen borgarstjóra og harra Jacob Horn Nielsen.
Kl. 14.30 Koma til Býlingshúsið undir Fjalli.
Anna Dalsgaard dagstovnsleiðari, Djóni J. Eidesgaard aðalskrivari í Barnabata og Beinta Dalbø deildarleiðari hjá kommununi taka ímóti. Verkætlanin um ”onga happing”, sum eitur ”betri vinir”, verður løgd fram.
Kl. 15.15 Fráferð frá barnagarðinum til Kvinnuhúsið.
Annika Olsen borgarstjóri og harra Jacob Horn Nielsen siga H.K.T. krúnprinsessuni farvæl.
Kl. 15.25 Koma til Kvinnuhúsið.
Elin Reinert Planck leiðari í Kvinnuhúsinum tekur ímóti. Víst verður runt í húsinum, og sagt verður frá virki og arbeiði.
Kl. 16.05 Fráferð við bili frá Kvinnuhúsinum til løgtingið.
Høgni Hoydal varaløgmaður og frú Hildur Hermansen siga H.K.T. krúnprinsessuni farvæl.
Krúnprinshjúnini
Kl. 16.10 Koma til løgtingið
Páll á Reynatúgvu løgtingsformaður tekur ímóti og navngevur formansskap løgtingsins og løgtingsstjóran í hesum rað:
Heðin Mortensen
Edmund Joensen
Jógvan á Lakjuni
Johnhard Klettheyggj løgtingsstjóri
Løgtingsformaður vísir krúnprinshjúnunum inn í løgtingssalin, har sagt verður frá løgtinginum. Síðan fer fylgið upp á 1. hædd, har løgtingsformaðurin býður vælkomið, og har krúnprinshjúnini fáa høvi at heilsa upp á teir løgtingslimir, ið har eru.
Kl. 16.55 Fráferð við bili frá løgtinginum til Kongsskipið Dannebrog.
Lene Moyell Johansen ríkisumboð og harra Stendor Johansen fylgja krúnprinshjúnunum við fylgi oman til Kongsskipið Dannebrog.
Kl. 17.00 Koma til Kongsskipið Dannebrog.
Veitsludøgurði
Klædnabúni: Føroysk klæði /myrk klæði/kjóli
Kl. 19.05 Krúnprinshjúnini við fylgi verða heintað við Kongsskipið Dannebrog av Lene Moyell Johansen ríkisumboði og harra Stendor Johansen. Koyrt verður niðan í Norðurlandahúsið.
Kl. 19.15 Løgmaður er vertur fyri døgurða í Norðurlandahúsinum.
Aksel V. Johannesen løgmaður og frú Katrin D. Apol taka ímóti krúnprinshjúnunum, tá ið tey koma. Blómutyssi verður handað H.K.T. krúnprinsessuni. Undir døgurðanum halda løgmaður og H.K.T. krúnprinsurin hvør sína røðu, tónleikaframførsla verður, og eftir døgurðan verður farið upp á gólv.
Kl. 22.55 Lene Moyell Johansen ríkisumboð og harra Stendor Johansen fylgja krúnprinshjúnunumvið fylgi til Kongsskipið Dannebrog.
Kl. 23.05 Koma til Kongsskipið Dannebrog.
Kongsskipið Dannebrog siglir síðan av Havnini.
Fríggjadagin tann 24. august í Klaksvík, á Kirkju, í Hattarvík og í Mikladali
Almenn móttøka hjá Klaksvíkar kommunu
Klædnabúni: Føroysk klæði
Kl. 09.00 Kongsskipið Dannebrog leggur at í Klaksvík.
Kl. 09.10 Krúnprinshúskið fer í land
Jógvan Skorheim borgarstjóri og frú Vígdis Skorheim taka ímóti. Vón Skorheim handar H.K.T. krúnprinsessuni blómutyssi. Borgarstjórin navnkennir býráðið og heldur stutta vælkomurøðu. Klaksvíkar Hornorkestur spælir
Kl. 09.25 Fráferð við bili til Biskupstorgið.
Kl. 09.30 Koma til Biskupstorgið.
Borgarstjórin leggur fram ætlanirnar um nýggja miðbýin í Klaksvík í 3D stødd og sigur frá nýggja byggjarínum. Edward Fuglø listamaður verður hjástaddur við einari framsýning.
Kl. 10.05 Spákað verður til Ósalund, sum er grønt øki í nýggja miðbýnum.
Kl. 10.10 Koma til Ósalund.
Børn úr Skúlanum á Skúlatrøð syngja, og børnini á øllum dagstovnunum eru savnað at heilsa upp á krúnprinshúskið.
Kl. 10.30 Spákað verður til Norðoya Sparikassa.
Kl. 10.35 Koma til Norðoya Sparikassa.
Marner Mortensen stjóri tekur ímóti. John P. Danielsen stýrisformaður sigur søguna um bankan, arbeiðið nú og ætlanir. Norðoya Sparikassi verður 100 ár í næsta ár.
Kl. 11.05 Fráferð við bili frá Norðoya Sparikassa til Kongsskipið Dannebrog.
Jógvan Skorheim borgarstjóri og frú Vígdis Skorheim siga krúnprinshjúnunum farvæl.
Kl. 11.15 Koma til Kongsskipið Dannebrog.
Kl. 11.50 Fráferð við bili til tyrlupallin í Klaksvík.
Kl. 12.00 Fráferð við tyrlu úr Klaksvík út á Kirkju
(Vitjanin í Fugloy er við ongum miðlafólkum)
Á Kirkju
Klædnabúni: Heit troyggja, regn- og vindtættur jakki, húgva og gangiskógvar
Kl. 12.15 Koma til Kirkju.
Amalia í Frammistovu borgarstjóri tekur ímóti.
Kl. 12.20 Borgarstjórin navnkennir bygdarráðið. Borgarstjórin er vertur fyri miðmála.
Kl. 12.50 Eftir miðmála verðu spákað yvir í kirkjuna, og haðan verður koyrt til Hattarvíkar.
Kl. 13.00 Fráferð við bili til Hattarvíkar.
Kl. 13.15 Koma til Hattarvíkar, har gingið verður í hálvan annan tíma. Eftir gongutúrin verður koyrt/gingið oman í bygdina.
Kl. 14.45 Koma til bygdina.
Spákað verður til seyðahúsið hjá Símuni Gullaksen varaborgarstjóra. Í seyðahúsinum fæst kaffi og okkurt lætt til matna, meðan fólk standa. Gáva verður handað krúnprinshjúnunum.
Kl. 15.15 Koyrt/spákað verður til tyrlupallin.
Amalia í Frammistovu borgarstjóri og Símun Gullaksen varaborgarstjóri siga krúnprinshúskinum farvæl.
Kl. 15.25 Fráferð við tyrlu úr Hattarvík til Mikladals.
Í Mikladali
Kl. 15.35 Koma til Mikladals. Fráferð við bili oman til bygdina.
Kl. 15.40 Jógvan Skorheim borgarstjóri og Vígdis Skorheim taka ímóti.
Borgarstjórin heldur stutta vælkomurøðu. Eftir móttøkuna verður vitjað í húsunum, haðan kópakonan er. Søgnin um kópakonuna verður søgd, og Eyðun Eliasen bóndi greiðir frá bygdini.
Kl. 16.05 Spakað verður oman til standmyndina av Kópakonuni.
Ingibjørg Hansen sangari, ið er uppvaksin í húsunum, haðan kópakona var, framførir niðri við standmyndina.
Kl. 16.30 Fráferð við bili til tyrlupallin.
Kl. 16.35 Fráferð við tyrlu úr Mikladali til tyrlupall í Klaksvík.
Klaksvík
Kl. 16.45 Koma til tyrlupall í Klaksvík.
Koyrt verður til Kongsskipið Dannebrog.
Kl. 17.00 Krúnprinshúskið fer umborð á Kongsskipið Dannebrog.
Kl. 19.20 Fráferð við bili frá Kongsskipinum Dannebrog til gamla spinnaríið.
Krúnprinshjúnini við fylgi verða heintað av Lene Moyell Johansen ríkisumboði og harra Stendor Johansen.
Døgurði
Klædnabúni: Myrk klæði/kjóli/føroysk klæði
Kl. 19.30 Borgarstjórin er vertur fyri døgurða.
Krúnprinshjúnini verða móttikin av Jógvani Skorheim borgarstjóra og frú Vígdis Skorheim. Undir døgurðanum heldur borgarstjórin røðu og handar krúnprinshjúnunum gávu. Tónleikaframførsla verður.
Kl. 22.30 Fráferð við bili til Kongsskipið Dannebrog.
Lene Moyell Johansen ríkisumboð og harra Stendor Johansen fylgja krúnprinshjúnunum við fylgi til Kongsskipið Dannebrog.
Kl. 22.40 Koma til Kongsskipið Dannebrog.
Kongsskipið Dannebrog siglir síðan av Klaksvík.
Leygardagin tann 25. august Runavík, Hvalvík, Haldórsvík og Tjørnuvík
Almenn móttøka hjá Runavíkar kommunu
Klædnabúni: Føroysk klæði
Kl. 09.00 Kongsskipið Dannebrog leggur at við Bakkafrost.
Kl. 09.10 Krúnprinshúskið fer í land.
Tórbjørn Jacobsen borgarstjóri og frú Ann Ellefsen taka ímóti. Rósa Pauladóttir handar H.K.T. krúnprinsessuni blómutyssi. Borgarstjórin navnkennir býráðið og heldur stutta vælkomurøðu. Nes Sóknar Musikkfelag spælir.
Kl. 09.25 Vitjan á Bakkafrosti á Glyvrum.
Regin Jacobsen forstjóri og frú Eydna Jacobsen taka ímóti saman við Rúna M. Hansen nevndarformanni og frú Kalu Hansen, Oddi Eliasen stjóra, Gunnari Nielsen fíggjarstjóra, Kára E. Jacobsen og Andriasi Petersen virkisleiðarum. Regin Jacobsen forstjóri vísir framleiðsluna, greiðir frá um Bakkafrost, handar krúnprinshjúnunum gávu, og krúnprinshjúnini skriva í gestabókina.
Kl. 10.20 Fráferð við bili til ítróttarhøllina Bylgjuna.
Kl. 10.25 Koma til Bylgjuna.
Bárður Højgaard mentanarsamskipari í kommununi og Borgar Persson húsavørður vísa runt. Ítróttarfeløgini á staðnum, sum brúka høllina, vera har við sínum ítrótti. Vitjanin endar við stuttari fimleikaframsýning. Børnini hjá krúnprinshjúnunum fáa sum gávu hvør sín ítróttarbúna frá fimleikafelagnum Støkk.
Kl. 10.55 Spákað verður til Skótahúsið. Túrurin tekur 15-20. min.
Miðmáli
Kl. 11.15 Tórbjørn Jacobsen borgarstjóri er vertur fyri miðmála í Skótahúsinum.
Borgarstjórin heldur røðu fyri krúnprinshjúnunum og handar teimum gávu. Undir miðmálanum verður tónleikaframførsla.
Kl. 12.35 Fráferð við bili frá Skótahúsinum til Kongsskipið Dannebrog, sum liggur við Bakkafrost. Tórbjørn Jacobsen borgmeistari og frú Ann Ellefsen siga krúnprinshjúnunum farvæl.
Kl. 12.40 Koma til Kongsskipið Dannebrog.
Kl. 13.00 Fráferð við bili frá Kongsskipinum Dannebrog til Hvalvíkar.
Kongsskipið Dannebrog siglir til Havnar.
Í Hvalvík
Kl. 13.30 Koma til Hvalvíkar.
Heðin Zachariasen borgarstjóri og frú Anna Maria Zachariasen taka ímóti. Lý Haraldsdóttir handar H.K.T. krúnprinsessuni blómutyssi. Eiðis ljómfelag spælir.
Kl. 13.45 Fráferð við báti til Haldórsvíkar.
Siglt verður undir Brúnni um Streymin, tikin í nýtslu í 1973, sum knýtir størstu oyggjarnar saman. Á ferðini sæst Føroya hægsti fossur Fossá, og siglt verður fram við laksaalistøðini hjá Marine Harvest.
Í Haldórsvík
Kl. 14.05 Koma til Haldórsvíkar.
Spákað verður gjøgnum bygdina og fram við kirkjuni. Elias Hammer bygdarráðslimur, føddur og uppvaksin í Haldórsvík, sigur frá bygdini.
Kl. 14.25 Fráferð við bili úr Haldórsvík til Tjørnuvíkar.
Í Tjørnuvík
Kl. 14.35 Koma til Tjørnuvíkar.
Kl. 14.40 Móttøka í bygdarhúsinum.
Heðin Zachariasen borgarstjóri navnkennir bygdaráðið í Sunda kommunu saman við hjúnafeløgum og heldur stutta vælkomurøðu. Móttøkan verður kanska uttanfyri, verður veðrið til vildar.
Samstundisskrá
H.K.T. krúnprinsurin
Kl. 15.00 Fráferð frá bygdarhúsinum.
H.K.T. krúnprinsurin við løgmanni, borgarstjóra og fylgi spákar ígjøgnum bygdina til tyrlupallin.
Kl. 15.10 Fráferð við tyrlu til Stakkin.
Vitjanin á Stakkinum verður við ongum miðlafólkum.
Kl. 15.15 Koma á Skoradal
Nýggi rennistrongurin verður royndur. Jógvan Magnussen gongur um Stakkin og sigur frá. Spákað verður til smáttuna, har H.K.T. krúnprinsurin skrivar í gestabókina og fær eina gávu. Signeraðu brotssøguna: ”Blíð er summarnátt á Føroya landi” eftir Jógvan Isaksen í danskari týðing: ”Den blide færøske sommernat”. Eitt brot í bókini fer fram á Stakkinum og í brattlendinum har um leiðir. Síðan verður H.K.T. krúnprinsurin við fylgi stjóraður inn aftur av Stakkinum.
Kl. 15.50 Fráferð av Skoradali til millumsteðg í Tjørnuvík.
Kl. 15.55 Koma til Tjørnuvíkar.
H.K.T. krúnprinsessan
Kl.15.00 Fráferð frá bygdarhúsinum.
H.K.T. krúnprinsessan verður í fylgi við Kristinu Háfoss, landsstýriskvinnu og harra Ronnie Háfoss, Thordis Dahl Hansen varaborgarstjóra og harra Dávid Reinert Hansen.
Spákað verður gjøgnum bygdina. Fólk á staðnum vísir bygdina. Vitjað verður í listafólkahúsinum, har krúnprinshúskið fær høvi at skriva navnið á bróstið (Wall of Fame) og í gestabókina. Vitjað verður í kirkjuni, har kingokórið í Tjørnuvík syngur. Aftaná verður ymist at taka sær til, m.a verða epli tikin upp, og farið verður oman á sandin. Verður veðrið til vildar, fara fólk at aka á brimfjøl á víkini.
Krúnprinshúskið
Kl.16.00 Fráferð við tyrlu úr Tjørnuvík til Havnar.
Kristina Háfoss, landsstýriskvinnu og harra Ronnie Háfoss, Heðin Zachariasen borgarstjóri, frú Anna Maria Zachariasen og Thordis Dahl Hansen varaborgarstjóri og harra Dávid Reinert Hansen siga krúnprinshúskinum farvæl.
Kl. 16.15 Koma til tyrlupall Yviri við Strond í Havn. Koyrt verður til Kongsskipið Dannebrog.
Kl. 16.30 Koma til Kongsskipið Dannebrog í Havn.
Móttøka á Kongsskipinum Dannebrog í Havn
Klædnabúni: Snotiligur gerandisligur
Kl. 18.30 Krúnprinshjúnini eru vertir fyri móttøku á Kongsskipinum Dannebrog.
Føroyskur dansur verður dansaður umborð.
Kl. 20.30 Móttøkan endar.
H.K.T. krúnprinsurin
Kl. 21.20 Koma Tórsvøllur.
H.K.T krúnprinsurin verður móttikin av forsetanum fyri føroyska fótbóltssambandið Christian F. Andreasen og Virgar Hvidbro aðalskrivara. Eftir dystin handar H.K.T. krúnprinsurin leikarunum heiðursmerki, og løgmaður handar løgmanssteypið. Fótbóltssambandið fer at geva krúnprinshúskinum hvør sína landsliðstroyggju.
Kl. 22.00 Fráferð við bili frá Tórsvølli.
Lene Moyell Johansen ríkisumboð og harra Stendor Johansen fylgja H.K.T. krúnprinsinum til Kongsskipið Dannebrog.
Kl. 22.10 Koma til Kongsskipið Dannebrog.
Kongsskipið Dannebrog siglir síðan av Havnini.
Sunnudagur tann 26. august í Sandavági og Bø
Klædnabúni: Føroysk klæði
Kl. 10.20 Fráferð við bili frá Kongsskipinum Dannebrog, sum liggur á Miðvági.
Krúnprinshúskið við fylgi verður heintað av Lene Moyell Johansen ríkisumboði og harra Stendor Johansen.
Kl. 10.25 Koma til Sandavágs.
Í kirkjuni tekur Jógvan Fríðriksson biskupur ímóti.
Kl. 10.30 Gudstænasta í Sandavágs kirkju.
Kl. 11.35 Fráferð við bili frá kirkjuni til Bíggjar
Kl. 12.10 Koma til Bíggjar.
Jógvan Fríðriksson biskupur og frú Maria Eiriksdóttir taka ímóti.
Miðmáli í Bø
Kl. 12.15 Biskupur er vertur fyri miðmála í gamla pakkhúsinum í Bø.
Biskupur heldur stutta røðu fyri krúnprinshjúnunum, meðan miðmálin er. Løgmaður sigur nøkur orð at enda undir máltíðini.
Kl. 13.25 Fráferð við bili úr Bø til Kongsskipið Dannebrog, sum liggur á Miðvági.
Jógvan Fríðriksson biskupur og frú Maria Eiriksdóttir siga krúnprinshúskinum farvæl.
Lene Moyell Johansen ríkisumboð fylgir krúnprinshjúnunum við fylgi til Kongsskipið Dannebrog.
Kl. 13.45 Koma til Kongsskipið Dannebrog.
Kl. 14.15 Fráferð við bili frá Kongsskipinum Dannebrog til flogvøllin.
Kl. 14.25 Koma til Vága lufthavn.
Krúnprinshúskið við fylgi ganga beinleiðis umborð á flogfarið.
Krúnprinshúskið verður boðið farvæl:
Aksel V. Johannesen løgmaður og frú Katrin D. Apol
Lene Moyell Johansen ríkisumboð og harra Stendor Johansen
Marjun Hanusardóttir løgmansstjóri
John Kølbæk fúti
Durita L. Jóansdóttir avgreiðslu- og siðaregluábyrgdari Gudrun M. Nolsøe fulltrúi
Ann á Argjaboða Ritter skrivstovufulltrúi
Kl. 14.35 Fráferð frá Vága floghavn við Atlantic Airways.
Kongsskipið Dannebrog siglir av Miðvági beint eftir, at flogfarið er farið.
Kl. 17.40 Koma til Kastrup floghavn.
Vinarliga broyt tínar kennifíla - og privatlívsstillingar fyri at síggja hetta innihald