Alda Nielsdóttir
Í døgunum 12. - 16. august ber til at fáa greinar og runnar úr egnum urtagarði malin til spønir ókeypis.
Hesum boðar Tórshavnar kommuna frá á heimasíðu sínari.
Slíkt lívrunnið tilfar er sera gott at brúka í urtagarðinum, eitt nú fyri ókrút og dygdina á moldini.
Kommunan mælir til, at fólk hava egnar sekkir við, men til ber eisini at keypa endurnýtslusekkir á staðnum.
Kommunala Brennistøðin tekur á hvørjum ári ímóti stórum nøgdum av góðum urtagarðsburturkasti, sum so verður brent ella tyrvt. Tá ið burturkastið í staðin verður malið til spønir, kemur tilfeingið borgarunum til gagns, sigur kommunan.
Heitt verður á fólk um at taka egnar greinar og runnar við.
Niðanfyri sæst hvar og nær ið til ber at fáa urtagarðsburturkast malið til spønir.
12/8 kl. 09 – 17 Hoyvík: P-plássið við Hoyvíkar kirkju
13/8 kl. 09 – 17 Argir: Føroya sjósavn
14/8 kl. 09 – 17 Havn: P-plássið við Badmintonhøllina
15/8 kl. 09 – 12 Kirkjubøur: Við lendingina
15/8 kl. 13 – 17 Kollafjørður: Sunnanvert skúlan
16/8 kl. 10 – 17 Endurnýtslan á Hjalla (Hendan dagin verður rávøra, sum er komin í bingjuna hjá Endurnýtsluni, eisini malin til spønir)
Vinarliga broyt tínar kennifíla - og privatlívsstillingar fyri at síggja hetta innihald