Spurningurin um tilflytarar klovið Svøríki í tvey

Teir stóru, siðbundnu flokkarnar eru ávegis móti einum vánaligum valúrsliti í kvøld.

Tvær kanningar hjá sjónvarpsrásunum SVT og TV4 vísa afturgongd hjá Sosialdemokratunum og Moderatunum, ið standa á odda fyri hvør sínum politiska blokki í Svøríki.

Kanningar vísa samstundis, at Vinstraflokkurin og Svøríkidemokratarnir fáa munandi framgongd í mun til seinasta val.

Sambært DR-frásøgumanninum Ole Ryborg, er hetta eitt tekin um, hvussu spurningurin um tilflytarar hevur klovið Svøríki í tvey.

"Har eru tey, ið halda, at man átti at hert reglurnar, men samstundis halda nógv í Svøríki enn, at man eigur at taka væl ímóti teimum, ið eru komin til Svøríkis," sigur hann.