Stovnari av Polar Seafood deyður

Stovnarin av stóru grønlendsku fiskivinnufyritøkuni, Polar Seafood, er deyður. Tað skrivar Sermitsiaq.

68 ára gamli Anders Brøns, bleiv í gjáramorgunin funnin lívleysur á sjónum nær við Ålborg. Tað varð seinni staðfest, at hann var deyður.

Metingin hjá lokalu løgregluni er, at hann er dottin á sjógv og er druknaður. Eingin illgruni er um nakað brotsverk.

Polar Seafood, ið eigur fleiri flakavirki, flakratrolarar og fiskiskip, er størsta privata fyritøkan í Grønlandi við meira enn 3 mia. kr. í árligum umsetningi.