Summar Festivalurin var stak friðarligur

Fleiri túsund fólk hava verið í Klaksvík á Summar Festivali um vikuskiftið, men í hesum sambandi hevur løgreglan havt øgiliga lítið at gjørt.

Vakthavandi á politistøðini upplýsir, at tað eisini hevur verið stak friðarligt í høvuðsstaðnum í nátt.

- Tað var sum mitt í viku, har var púra friðarligt, sigur vakthavandi.

Bert tvey mál vórðu skrásett í nátt, og tey vóru bæði í Klaksvík.

Ein hevði gjørt herverk á ein bil, og ein annar persónur hevði tikið eina valplakat niður og gekk runt við henni. Annars hevur verið púra friðarligt, upplýsir løgreglan.