Regin Winther Poulsen
Seinastu tíðina er syfilis staðfest hjá fleiri ungum í Ilulissat, og tí ávara myndugleikarnir nú um at nýta hít. Tað skrivar Sermitsiaq.AG.
- Tað eru fleiri og fleiri ung, sum bera syfilis smittuna. Tað er ørkymlandi, tí tað kann skjótt spreiða seg við ófyribyrgdari kynsligari samveru. Ikki hava sex, um tað eru sár á kynslimunum, greiðir grønlenska heilsumálaráðið frá í lýsing í lokala blaðnum Iluliarmiut aviisiat.
Í 2016 vóru 71 fráboðanir í Grønlandi um syfilis og hetta er ein stóru vøkstur síðani 2009, tá ongin tilburður var í landinum. Myndugleikarnir eru ørkymlaðir og ávara fólk um at nýta hít.
Syfilis kemur av eini bakteriu. Smittað verður við kynsligari samveru og fyrstu eykennini eru sár á kynsgørninum. Sjúkan er vandamikil og kann í ringasta føri kosta lív.
Vøksturin í syfilis-tilburðum hevur verið stóru síðani 2009.
Vinarliga broyt tínar kennifíla - og privatlívsstillingar fyri at síggja hetta innihald