"The Big Bang Theory" sendirøðin steðgar í 2019

Aftaná 12 sesongir steðgar "The Big Bang Theory" skemtisendirøðin. Tað kunngjørdi sjónvarpsrásin CBS í gjár.

Sendirøðin varð fyrstu ferð send í 2007, og talan er um mest vælumtóktu skemtisendirøðina í sjónvarpinum í løtuni. 

Fleiri enn 18 milliónir hyggjarar hava fylgt trúfast við sendirøðini hvørja viku síðan 6. sesong í 2012, og tað er meir enn nøkur onnur skemtisendirøð í amerikanskum sjónvarpi.

Síðsti sesongurin byrjar 24. september og endar væntandi í mai mánað 2019. 

Framleiðslutoymini og CBS søgdu í felagsskrivi, at tey vóru "óendaliga takksom" fyri fjepparastuðulin.

“We are forever grateful to our fans for their support of The #BigBangTheory during the past twelve seasons..." pic.twitter.com/OWIHsICi6e

— The Big Bang Theory (@bigbangtheory) August 22, 2018