Trump og Putin fundast í Helsinki

Toppfundur er í Helsinki í Finnlandi í løtuni, har Vladimir Putin og Donald Trump hittast.

• Russland og USA hava ikki funnið so væl útav tí saman tey seinastu árini, men eg haldi, at vit fara at fáa eitt framúr samband, segði Donald Trump áðrenn fundin.

Tíðindafólkið fekk ikki loyvið at verða inni serliga leingi, tí at statsleiðararnir ætla at brúka mesta partin av teimum 90 minuttunum saman einsamallir, skrivar CNN.

Vladimir Putin segði áðrenn fundin, at tíðin var komin til at tosa um sambondini hjá USA og Russlandi, og um tey torføru fleirtjóða viðurskiftini í heiminum.