Trý fólk latið lív í flogvanlukku í Florida

Eitt lítið flogfar datt í gjár niður í Boca Raton í amerikanska statinum Florida. Umborð vóru trý fólk, og tey lótu øll lív, upplýsa lokalu mydnugleikarnir.

Hildið verður, at tekniskir trupulleikar vóru orsøkin til flogvanlukkuna.

Umframt at øll fólkini umborð lótu lív, fekk ein bilførari skaða, tá flogfarið datt niður. Flogfarið hevði tá bert verið í luftini í umleið 20 minuttir.

Flogfarið var av slagnum Cessna 3103R og var á veg til Tallahassee, sum er høvuðsstaður í Florida.

Vanlukkan hendi dagin eftir, at ein tyrluvanlukka í New York hevði kravt seks mannalív.

Sí eisini: Video: Tyrluvanlukka í New York kravt seks mannalív