Týskland fer at linka ferðaavmarkingar

Skjótt ætlar týska stjórnin at linka ferðaavmarkingarnar, sum eru settir í gildi fyri at avmarka koronasmittu, upplýsir týski heilsumálaráðharrin, Karl Lauterbach.

Hetta verður væntandi 4. mars, men týska stjórnin fer at umrøða málið mikudagin.

Sambært Ritzau er ætlanin at taka fleiri lond av listanum yvir sonevnd vandaøki. Fólk úr hesum londunum skulu í dag skráseta seg, áðrenn farið verður til Týsklands.

Eitt uppskot er m.a. at bert lond, har eitt meira vandamikið frábrigdi enn omikron ger um seg – eitt nú Delta-frábrigdið – skulu skrásetast sum vandaøki.

Ferðafólk, sum ikki eru koppsett ella kortsíðani hava verið smittað við koronu, skulu eisini í dag vísa á negativa kanning við komu, umframt at tey skulu í sóttarhald. Sum skilst er ætlanin hjá týsku stjórnini at droppa sóttarhaldið.