Agnar Prestá
Síðani tíðindafundin í Tinganesi í gjáramorgunin, tá løgmaður og heilsumyndugleikarnir komu við nýggjastu tilmælunum um Coronavirus, hevur nógv kjak verið um ferðing umvegis flogvøllin í Vágunum skal verða steðgað - serliga til Danmarkar.
Les eisini:
Eiga Føroyar at steðga allari flúgving
Spyr.fo: Fólkið vil støðga flogferðsluni
Undirskriftinnsavnan til áheitan um ferðafólkaforðboð
Bygdaleiðir koyrir ikki til flogvøllin
Auto steðgar eisini við flogvallarkoyring
Áleið 100 fólk í Klaksvi í sóttarhaldi
Longu í gjár skrivað Uttanríksmálaráðið soleiðis út á heimasíðu sína:
- Mælt verður frá at ferðast til Danmarkar, og ert tú komin úr Danmark 12. mars ella seinni, mæla heilsumyndugleikarnir til, at tú fert í sóttarhald í 14 dagar.
Har varð annars mælt til at fylgja tilráðingunum hjá danska uttanríkisráðnum um ferðing til onnur støð.
Les nærri her
Danska uttanríkismálaráðið hevur seinnapartin havt tíðindafund, og orsaka av støðuni er nýggja tilmæli at steðga øllum uttanlandaferðum yvirhøvur - til øll lond í heiminum:
- Umhugsar man at ferðast uttalanda, so lat verða. Um man er í útlandinum, so kom heim. Vit skulu ansa eftir hvørjum øðrum.
Hetta segði Jeppe Kofoed, uttanríkismálaráðharri. Ferðast skal bert útum landoddarnar, um tað er hægst neyðugt - ynski er tó at fáa øll heim, um tað ber til, so at eingin danskari skal verða "strandaður" uttanlanda.
![[object Object]](https://cdn-ac.knassar.fo/media/2019/11/27/gallery-thumbnail/jeppe-kofod-2.jpg)
Tað verður mett, at áleið 100.000 danskarar eru uttanlanda í ymsum ørindum í løtuni.
Í Degi og viku í gjár lýsti Bárður á Steig Nielsen Danmark sum eitt reytt øki. Síðani er tó einki ítøkiligt hent viðvíkjandi flogferðsluni. Sum skilst eru Fíggjarmálaráðið og Atlantic Airways enn á fundi um støðuna - onki er frætt viðvíkjandi tí enn.
Les eisini: Atlantic avlýsir til París
Trygd hevur seinnapartin givið sínum viðskiftafólki boð um, at tey helst ikki skulu fara til Danmarkar. Soleiðis skrivar felagið:
FERÐING TIL DANMARKAR FRÁMÆLD
Nú Danmark er lýst sum reytt øki av føroysku myndugleikunum, verður staðiliga mælt frá at ferðast til Danmarkar.
Hevur tú eina ferð fyri framman, sum verður avlýst orsakað av farsóttini, mæla vit tær í fyrsta umfari til at seta teg í samband við ferðaskrivstovuna ella flogfelagið, har ferðin er keypt, fyri at umbóka ella fáa ferðina endurgoldna. Vit veita endurgjald fyri tær útreiðslurnar, sum ikki verða endurgoldnar av ferðaskrivstovum, flogfeløgum ella øðrum. Tað kann t.d. vera útreiðslur til gistingarhús, leigubil og flogferð. Allar útreiðslur skula vera skjalprógvaðar.
Vinarliga broyt tínar kennifíla - og privatlívsstillingar fyri at síggja hetta innihald