Vatnið í Kaldbak reint aftur

Í gjár boðaði Tórshavnar kommuna frá, at tvær E. coli bakteriur vórðu staðfestar í drekkivatninum í Kaldbak, og tí mælti kommunan til, at íbúgvar í Kaldbak kókaðu vatnið, áðrenn drukkið varð.

Í dag kom úrslitið av nýggjastu vatnkanningini, sum staðfesti, at vatnið er reint aftur. Sostatt er ikki longur neyðugt at kóka vatnið, skrivar kommunan á heimsíðu sína.