– Eitt stig á røttu leiðini

At fyrrverandi løgreglumaðurin, Derek Chauvin er funnin sekur í at hava dripið George Floyd er eitt stig á røttu leiðini.

Tað segði amerikanski forsetin, Joe Biden, tá hann í gjárkvøldið helt røðu fyri amerikonsku tjóðini, eftir at dómurin varð sagdur í rættinum.

Samstundis undirstrikaði hann, at ein slíkur dómur er alt ov sjáldsamur í einum landi, sum er so nógv plágað av rasismu í samfelagnum.

– Hetta kann gerast eitt stórt stig frameftir í jagstranini eftir rættvísi í USA, segði amerikanski forsetin sambært fleiri tíðindastovum.

Joe Biden heitti eisini í hesum sambandi á amerikanarar um at standa saman.

– Tíðin er komin fyri tjóð okkara at standa saman sum amerikanarar, segði hann.

Biden legði afturat, at hóast dómurin hjá Derek Chauvin sendi eitt greitt signal, er framvegis tørvur á broytingum.

Les eisini: Løgreglumaður funnin sekur í at hava dripið George Floyd