29 bjóða seg fram til russiska forsetavalið

Í døgunum 15. til 17. mars 2024 verður forsetaval í Russlandi, og higartil hava 29 valevni bjóðað seg fram, upplýsa valmyndugleikarnir í Russlandi, sambært russisku tíðindastovuni Tass.

Fyrr í hesum mánaðinum varð boðað frá, at sitandi forsetin, Vladimir Putin, stillar uppaftur til valið, og at val eisini verður hildið í hersettum ukrainum økjum.

Talan er um landslutirnir Kherson, Donetsk, Luhansk, og Zaporizjzja í Eysturukraina, sum sambært russum gjørdist partur av Russlandi eftir fólkaatkvøðu. Hendan fólkaatkvøðan var sambært vesturheiminum ólóglig.

Verður Putin afturvaldur, kann hann verða sitandi fram til 2030.