Afturkalling av pomelo fruktini

Virkið Eurofrugt A/S afturkallar nú eitt partí av pomelo fruktum. Orsøkin er, at ov høgt innihald av pesticidinum chlorpyrifos er funnið í fruktini.

Hetta er galdandi fyri vøruna Puravida Pomelo við EAN-strikukotuni 8713807008590. 

Mett verður, at heilsuvandi kann vera við at eta vøruna, sum eisini er seld í føroyskum handlum.

Heilsufrøðiliga starvsstovan mælir tí til, at fólk beina vøruna burtur ella lata hana inn aftur, har hon er keypt.