Boð eftir Vón í gjár

Klokkan eitt í gjár varð Rescue Vón sendur at hjálpa einum útlendskum báti út fyri Norðskála.

Fólk sóu, at ein útlendskur seglbátur hevði trupulleikar í taranum út fyri Norðskála, og tí varð bjargingarbátur sendur á staðið at kanna, um báturin hevði brúk fyri hjálp.

Talan var ikki um nýggja bjargingarbátin hjá Eiðis Bjargingarfelag, sum kom til Eiðis í vikuni men um gamlu Rescue Vón, skrivar Vørn.

Tá Vón kom á staðið, kundi staðfestast, at tað ikki var neyðugt við hjálp, tí seglbáturin slapp leysur við egnari kraft.