Eftirlýsti maðurin funnin

Leitingin eftir einum eldri manni á Strondum er nú avblást.

Maðurin er funnin aftur í øllum góðum.

Tað vísti seg, at hann var farin inn í eini hús á Strondum, og hevði lagt seg at sova har. Júst hví maðurin hevði valt hesi húsini, veit vaktleiðarin á løgreglustøðini ikki at siga.

Tað vóru fólk, sum búðu í húsunum, sum komu fram á mannin fyrr í morgun.

Hetta skrivaðu vit fyrr í morgun: Løgreglan eftirlýsir eldri mann