Eingin staðfestur positivur í gjár

Í gjár varð eingin staðfestur positivur fyri covid-19, vísa nýggjastu tølini hjá Landslæknanum.

451 kanningar vórðu gjørdar í gjár, og allar kanningarnar eru liðugt greinaðar, skrivar corona.fo. Tilsamans eru nú 168.923 kanningar gjørdar í Føroyum.

503 persónar hava tilsamans fingið staðfest covid-19 í Føroyum, og 500 teirra eru staðfestir frískir aftur. Sostatt eru tríggir persónar positivir í løtuni.

Eingin er í løtuni innlagdur á Sjúkrahúsverki Føroya í sambandi við covid-19, og 64 persónar eru í sóttarhaldi.