Eldur í farmaskipi á Íslandsrygginum

Í gjárkvøldð fekk MRCC boð um, at eldur var í maskinrúminum á skipinum Vestland, sum siglir undir donskum flaggi.

Skipið var á veg til Íslands úr Ongland, tá tað hendi, skrivar heimasíðan hjá Vørn.

MRCC gav beinanvegin boð um at gera bjargingartyrluna klára, Brimil fekk boð um at sigla á leiðina, og íslendska bjargingartænastan varð eisini kunnað.

Manningin á Vestland fekk tó sjálv tamarhald á støðuni, og tyrlan varð tí avlýst.

Brimil fylgir skipinum, sum er á veg á Fuglafjørð við egnari hjálp. Sjey mans eru við Vestland, og allir hava tað gott.