Funnu ikki grindina aftur

Seinnapartin í dag sóu fólk í Hoyvík eina grind liggja út fyri Hoyvíkshólm – teirra meting var, at talan kundi vera um eina grind á væl meira enn 100 hvalir.

Hetta skrivaðu vit her á Portalinum fyrr í dag.

Boð vórðu send eftir grindaformonnunum at kanna málið, men hvørki av landi ella av sjónum eydnaðist tað at fáa eyga á grindina aftur, so grindaboð vórðu ongantíð send út, upplýsir Jens Jensen, sýslumaður.