Fíggjarlógin fyri 2023 varð í dag løgd fram fyri Løgtingið, og hósdagin kemur hon til fyrstu viðgerð.
Annars hevur dagurin í stóran mun snúð seg um neyðhjálp. Talan var um tvey uppskot. Eitt snúði seg um neyðhjálp til Ukraina og hitt til Turkalands og Sýria, ið vórðu rakt av ógvusligum jarðskjálvta í seinastu viku.
Greitt var at tey skuldi skundviðgerast, so hjálpin kann sendast avstað beinanvegin - serliga í mun til jarðskjálvtan var hetta umráðandi. Samtykt varð fyrrapartin at víkja frá vanligum tíðarfreistum, og tað vil siga, at allar tríggjar viðgerðirnar, umframt nevndarviðgerð, vórðu avgreiddar í skundi í dag.
Les eisini: Uppskot um neyðhjálp verður skundað ígjøgnum í dag
Undir fyrstu viðgerðini fýltust fleiri tingfólk tó á upphæddina, sum ætlanin var at lata til Turkalands og Sýria. Upprunaliga var hendan upphæddin ein hálv millión, men eftir at málið hevði verið fyri í fíggjarnevndini, varð uppskotið broytt til eina heila millión. Hetta var útfrá meting av, at 500.000 krónur ikki fóru at røkka langt í stóru neyðuni.
Uppskotið - við tvífaldaðu upphæddini - varð fyri einum góðum tíma einmælt samtykt, eins og uppskotið um at lata krígsrakta Ukraina sjey milliónir krónur í neyðhjálp. Hetta staðfesti Kringvarpið.
Peningurin verður latin gjøgnum ST-flóttafólkastovnin UNHCR. Eisini hetta varð spurnartekin sett við í fyrstu syftu.
Innanlands
Hava samtykt at lata samanlagt átta milliónir í neyðhjálp
Eftir at málið fyrr í dag var í fíggjarnevndini, hækkaði upphæddin, sum verður latin til Turkalands og Sýria við hálvari million, Øll 32 tingfólkini atkvøddu fyri, skrivar Kringvarpið
Tað var Ruth Vang, sum legði uppskot um neyðhjálp til Ukraina, eins og og Turkaland og Sýria, fyri Løgtingið (Mynd: Sverri Egholm)
2023-02-14 16:39
Vinarliga broyt tínar kennifíla - og privatlívsstillingar fyri at síggja hetta innihald