Løgreglan ávarar móti svikarum á Viber

Løgreglan hevur í dag send út eina ávaring um svikalist, sum gongur fyri seg á sosiala miðlinum Viber.

Fleiri borgarar hava fingið boð á Viber, har tey verða biðin um at trýsta á eitt leinki og síðan tøppa inn nøkur loyniorð, sum tey fáa við sms-boðum.

- Gerningsmaðurin sendir síðan eini boð um, at hann hevur hakkað seg inn á telefonina og sigur, at hann nú hevur samband við Visakort, netbanka, reiðipenger og er førur fyri at steingja simkortið í telefonini.

- Mett verður tó, at talan er um tómar hóttanir í vón um at trýsta fólk til at flyta pengar til gerningsmannin, skrivar løgreglan. 

Umframt at taka skíggjamynd av boðunum, eigur avsendarin at blokerast og boðini strikast. Mælt verður í øllum førum frá at trýsta á leinki ella at senda boð aftur til avsendaran. 

Løgreglan heitir á øll um at vera varðin við øllum, sum kemur óvæntað frá ókendum avsendarum.