Løgtingið samtykti Suðuroyartunnilin við aðru viðgerð

Í átta tímar og tjúgu minuttir hevur løgtingið í dag viðgjørt málið um Suðuroyartunnilin við tilhoyrandi vegum, og tað endaði við at tað bleiv samtykt við aðru viðgerð fyri løtu síðan.

Broytingaruppskotið frá meirilutanum í fíggjarnevndini varð samtykt við 31 fyri og einum ímóti, og sjálvt uppskotið um Suðuroyartunnilin varð samtykt við 28 fyri, fýra ímóti og ongari blankari.

Tingfólk hava meira ella minni fingið eitt lyfti frá løgmanni um, at møguleikin at bora úr Skúgvi skal kannast. Hetta gevur aðrar møguleikar í mun til linjuføringina.

Triðja viðgerð verður um tríggjar vikur.

Soleiðis varð atkvøtt: